ರಾಜ್ಯದಲ್ಲಿ ‘ಕೆ–23 ಗ್ಯಾಂಗ್‌’ ಆರಂಭಿಸಲು ಕುಮಾರಿ ರಮ್ಯಾ ಮುಹೂರ್ತ: ಅಶೋಕ್

ಬೆಂಗಳೂರು: ಕಾಂಗ್ರೆಸ್ ನಲ್ಲಿನ ಬೇಗುದಿ ಬಯಲಾಗಲು ಕಾರಣವಾದ ರಮ್ಯಾ ಟ್ವೀಟ್ ವಿಚಾರಕ್ಕೆ ಸಂಬಂಧಿಸಿದಂತೆ ಸಚಿವ ಆರ್ ಅಶೋಕ್ ಪ್ರತಿಕ್ರಿಯಿಸಿದ್ದು,  ಕಾಂಗ್ರೆಸ್ ನಲ್ಲಿ ಎಲ್ಲವೂ ಸರಿ ಇಲ್ಲ ಎಂದು ಗೊತ್ತಾಗುತ್ತಿದೆ ಎಂದಿದ್ದಾರೆ.

ವಿಧಾನಸೌಧದಲ್ಲಿ ಮಾತನಾಡಿದ ಅವರು ಕಾಂಗ್ರೆಸ್ ಗೊಂದಲದ ಗೂಡಾಗಿದೆ. ಅಲ್ಲಿ ಹೊಂದಾಣಿಕೆಯಿಲ್ಲ. ಚುನಾವಣೆಯಲ್ಲಿ ಟಿಕೆಟ್ ಯಾರಿಗೆ ಅಂತ ಗೊತ್ತಿಲ್ಲ. ಹೀಗಾಗಿ ಈಗಿನಿಂದಲೇ ಟವೆಲ್ ಹಾಕುವುದಕ್ಕೆ ಹೋಗಿ ಈ ಗಲಾಟೆ ಪ್ರಾರಂಭ ಆಗಿದೆ. ಒಂದು ಕಡೆ ಜಮೀರ್ ಗುಂಪು, ಮತ್ತೊಂದು ಕಡೆ ರಮ್ಯ ಗುಂಪು ಎಂದು ಲೇವಡಿ ಮಾಡಿದ್ದಾರೆ

ದೆಹಲಿಯಲ್ಲಿ ಜಿ 23 ಗ್ಯಾಂಗ್ ಇದೆ . ಈಗ ಕರ್ನಾಟಕದಲ್ಲಿ ಕೆ 23 ಗ್ಯಾಂಗ್ ಪ್ರಾರಂಭ ಆಗುತ್ತದೆ . ಇಲ್ಲೂ ಕೂಡ ಕೆ 23 ಗ್ಯಾಂಗ್ ಪ್ರಾರಂಭ ಆಗುವುದಕ್ಕೆ ಕುಮಾರಿ ರಮ್ಯ ಮುಹೂರ್ತ ಇಟ್ಟಿದ್ದಾರೆ. ಬಣಗಳ ದೊಡ್ಡ ಟೀಮ್ ಕಾಂಗ್ರೆಸ್ ನಲ್ಲಿ ರೆಡಿ ಆಗುತ್ತಿದೆ ಎಂದು ಕಂದಾಯ ಸಚಿವ ಆರ್. ಅಶೋಕ್ ಅವರು ಕಾಂಗ್ರೆಸ್ ನಾಯಕನ ನಡುವಿನ ಕಿತ್ತಾಟದ ಬಗ್ಗೆ ವ್ಯಂಗ್ಯವಾಡಿದ್ದಾರೆ ‘ಕಾಂಗ್ರೆಸ್‌ ಮನೆಯೊಂದು ಮೂರು ಬಾಗಿಲು ಎಂಬಂತಾಗಿದೆ. ಡಿ.ಕೆ.ಶಿವಕುಮಾರ್‌ ಮತ್ತು ಸಿದ್ದರಾಮಯ್ಯ ಅವರದು ಒಂದೊಂದು ಬಾಗಿಲು ಆಗಿದ್ದರೆ, ರಮ್ಯಾ ಮೂರನೇ ಬಾಗಿಲು’ಎಂದರು.